【Christopher Nolan正式過檔Universal】
同華納合作無間嘅Christopher Nolan，終於搵到下一個老細，結束同華納自《白夜追兇》後合作多年嘅關係。
華納決定將今年全部戲放上串流同步果陣，喺冇人敢講嘅情況下，佢係最大膽出嚟鬧爆華納嘅一員，更怒插HBO Max係史上最垃圾嘅串流平台，因為佢嘅大膽言論，先再開始帶動其他電影工作者同演員出嚟插爆華納反骨。
Christopher Nolan喺舊年《TENET天能》上映時，當時就上映問題、延唔延期、串唔串流，都已經開始同華納有火藥味。作為戲院派堅守嘅導演，唔甘心自己部嘔心瀝血大作上唔到大銀幕，亦曾一度堅持要全球同步（最後海外地區包括香港早約一個月上映），一直同華納意見爭持不下。最後真係俾佢上到，成為疫情後第一套大片，點知全球票房仆到直一直令華納大蝕，反而被指佢為自己套戲拎華納嚟搞非。邊個啱邊個錯，真係佢哋先知。
Christopher Nolan同華納嘅合作都唔係一夕成功，早年嘅作品都令華納蝕錢，《蝙蝠俠：俠影之謎》最終據講都係蝕，係直至《蝙蝠俠：黑夜之神》令佢一炮而紅，改寫咗英雄片玩法，都令IMAX從此打入主流，成為咗華納嘅金蛋，隨後套套戲加埋監製嘅幾套英雄片都有，令華納放心俾大Budget佢玩，佢又真係原創電影都有捧場客，直至一個疫情再加埋《TENET天能》，就成為分手嘅導火線。
如果大家仲記得，當日Universal一場「#魔法精靈唱遊大世界之亂」（好耐冇用呢個tag）打破空窗期政策受盡千夫之指，都曾被戲院業界形容佢係反骨仔出賣院商。點知沒有最反骨只有更反骨，在商言商，到最後都唔及迪士尼同華納癲，Christopher Nolan都識揀嘅。
講起堅守戲院文化嘅人仲有Denis Villeneuve，睇完《沙丘瀚戰》都明白係一套為戲院，甚至為IMAX而生嘅電影。喺華納做出呢個大膽舉動時，Denis Villeneuve都寫咗一篇好長嘅文，有少少意興蘭珊咁表示，《沙丘瀚戰》係佢拍過最大型嘅作品，果種視野同深度冇可能喺電視度睇，但無奈《沙丘瀚戰》都成為咗串流同步嘅作品之一。至今，華納都冇開綠燈俾《沙丘瀚戰》拍續集，唔少外媒都估緊，會唔會連Denis Villeneuve都走埋？
《沙丘瀚戰》觀後感可看留言連結。
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
蝙蝠俠 nolan 在 趣演另外一個角色。」Cilli 的推薦與評價
電影大風吹愛爾蘭演員Cillian Murphy 在Christopher Nolan的蝙蝠俠三部曲中扮演稻草人的角色。 其實他原本是去試鏡蝙蝠俠的。Cillian Murphy說他從Nolan的第一部 ... ... <看更多>